के.यू.का क्लब

के.यू.को विभागीय क्लबहरुलाई सक्रिय बनाउने अभिप्रायले सम्पूर्ण क्लबहरू एकजुट भइ काम गर्ने निर्णयमा पुगेका छन् । प्राय सबै विभागीय क्लबहरुको उपस्थिति रहेको उक्त भेलामा प्रस्तावकद्वय सुलभ विष्ट र लाल बहादुर बूडाले उक्त क्लब विशुद्ध अनौपचारिक संयन्त्र रहने बताएका थिए । यस संयन्त्रले के.यू.का क्लबहरुबीच समन्वय गरी विभिन्न सिर्जनात्मक कार्यक्रमहरु गर्नेछ । साथै यो कुनै नयाँ क्लब नभएको कुरा बारम्बार प्रस्ट्याउँदै थिए । प्राय स्वागत कार्यक्रम र विदाई कार्यक्रम गर्नमा सीमित रहने विभागीय क्लबहरुका लागि यो सही थालनी भएको भेलामा उपस्थित सबैको एक मत थियो । मानव दक्षता विकास गर्ने खालका कार्यक्रमहरु ल्याउने सोचले गठन गर्न लागिएको उक्त संयन्त्र निकट भविष्यमा उदाहरणीय बन्न सके फलदायी हुने थियो ।