खेल सप्ताहमाटग अफ वार र यसले तानेको दर्शक

“कन्भर्स सुजमा खुट्टा चिप्लिन्छ है, राम्रोसँग डोरी समात्नु, यो गेममा तजित्नैपर्छ,” भनेर सिकाउँदै थिए एकजना सुन्तला रङ्गको सर्ट लगाएकाखेलाडी आफ्ना सदनका साथीहरूलाई । हेर्दा खाइलाग्दो जीउडालभएकाहरू एकातर्फ र उकालो ओरालो गर्दागर्दा सिन्का जस्ता भएकाअर्कोतर्फ । खेलको निर्णय पहिले नै अन्दाज गर्न सकिन्थ्यो, जीतकस्को हुन्छ भनेर ।

तै पनि खेलको नियमलाई बुझेर मैदानमा उत्रे खेलाडीहरू । “पहिल्यै डोरीतान्यौ भने फल गरिनेछ है” भनेर जलान दाइ कराईरहेका थिए । खेलसुरू पनि भयो, र एक दुई पलमै हारजीतको फैसला पनि भयो । अबकसले जित्यो भनेर त भन्न नपर्ला । कहाँ दिनहूँ आफ्नो कक्षाको लागिभीर–पाखा तल–माथि गर्ने शरीर र कहाँ गाडीमा हिँडडुल गर्ने ज्यान, तुलना गर्नु त बेकार नै हो ।
हाल जारी खेलकुद सप्ताहमा पहिलो पटक राखिएको ‘टग अफ वार’ नामक यो खेलमा देखिएको घम्सा घम्सीकोदृश्य हो यो । यो राम्रैसँग दर्शक बटुल्न सफल पनि भयो । केयूको प्राय सबै खेलको हालत यस्तै नै छ । चार सदनत बाँडिएका छन्, ती बीच खेल हुँदा त रमाईलो नै हुन्छ किनभने आफ्नै मित्रवन्धु बीचको खेल हुन्छ, तर असलीखेलको हालत तब देखिन्छ जब केयू बाहिरका अन्य टीमसँग हाम्रो टीमहरू जुध्न पुग्छन् । अनि हार हुन्छ, किनकीहाम्रा टीमहरू रमाउनका निम्ति खेल्दै छन् भने अन्य बाहिरका टीमहरू जित्नका निम्ति खेल्दै छन् । यदि यस्तोहोइन भने, हामीले किन भएभरका खेलमा एउटै खेलाडीहरू देख्ने सुवर्ण अवसर प्राप्त गरिहेका छौँ । टग अफ वारखेली भ्याएको छैन ‘ल अब भलीबल खेल्न जाने हो’ भनेर मख्ख पर्छन हाम्रा खेलाडी साथीहरू । खेलमा रmचि राख्नुपक्कै नराम्रो कुरा होइन तर सबैलाई मौका दिनुप¥यो नि । खेल्यो, ठीकै छ ,त्यसमा पनि जितिदिए त ‘ए राम्रैखेल्दा रहेछन् नि यिनीहरू’ भन्नु हुन्थ्यो । तर दुर्भाग्य हाम्रो केयूमा खेलाडीहरूको कमी भएको जस्तो छ । जे होस्खेलमा भाग लिइरहेका छन् । त्यो राम्रो पक्ष हो र हाम्रो खेलकुद मैदान भरिरहेका छन् त्यो त झनै सराहनीय छ ।
यो सप्ताहलाई विदा मानेर घरमा मस्त बस्नेको सङ्ख्याको पनि कमी छैन । फोन गरेर, ‘ल आओ न साथी हो, आफ्नै कलेजको स्पोर्टस् वीक त हो नि, एकै छिन् आओ अनि जानु’ भन्ने स्थिति आउन लागि सक्यो । तै पनिआइदिए अर्कै कुरा । “किन हो किन यो स्पोर्टस् वीकमा मजा आइरहेकै छैन । ‘स्पोर्टस् वीक’ भनेर जे सोचियो, त्योअनुरूपको रमाइलो कसेले अनुभव गरेको छैन” भन्ने जस्ता अनेक खुल्दुली मैदान वरपर घुम्दा समय समयमाआउँछ । तर आज भएको जस्तो नयाँ र नौलो ‘टग अफ वार’ जस्तो खेल हुँदा त्यो हल्लाखल्लाले मनमा उठेका यिअनेकन नराम्रा भावनालाई विलीन गराइदिन्छ । जे होस् खेल सप्ताहमा खेल्नेहरूका लागि र उपस्थिति जनाउनेकालागि रमाइलो नै भैरहेकोे छ र नयाँ नयाँ खेलले स्थान प्राप्त गरिरहेको छ । यो निरन्तर भई नै रहोस् । एकैअनुहार भन्दा पनि नौला र नयाँ अनुहारलाई मौका दिइयोस् । अनि मात्र, खेलाडीको सहभागिता बढ्छ, भित्रिएकानयाँ खेलको जानकारी प्राप्त गर्ने र खेल हेर्ने दर्शकको सङ्ख्या सोही रूपमा बढ्न जान्छ ।